राखीया इच्छा

बलिउडया सेलिब्रिटीत मध्ये छम्ह राखी सावन्त नं इलय्व्यलय् विवादया चाकलय् लानाच्वनीम्ह खः । मोडललिसें अभिनेत्री राखीं बियाच्वनीगु विवादास्पद अभिव्यक्तिया निंतिं विवादय् लानाच्वनीगु खः । थुलि तक कि वयागु विवादास्पद अभिव्यक्तिया कारणं प्रहरी चौकीइ तकं वनेमाःगु अवस्था दु ।

राखी सावन्त हाकनं छक्वः विवादया चाकलय् लाःगु दुसा चर्चा नं उतिकं जुयाच्वंगु दु । राखीं आः नकतिनि हे जक छगू भिडियो सार्वजनिक याःगु दु, गुगु भिडियोलय् राखीं थःगु म्हया छुं नं छगू अंग दान यायेगु घोषणा याःगु दु । राखीं उगु भिडियोलय् धयातःगु दु कि, ‘थ्व संसारय् अज्याःगु आपालं भिंपिं मनूत दु, सुनां थः म्ह वा म्हया छुं अंग मेपिनिगु निंतिं दान याइ ।

गथेकि मिखा, नुगःचु, जँलास्येँ आदि । उकिं जिं नं थःगु म्हया छगू अज्याःगु अंग दान यायेगु इच्छा दु । तर जिके अज्याःगु छुं नं मदु, गुगु दान याये लायक जू । बस् दुसा जिके आकर्षक वक्षस्थल दु । जि थ्व हे वक्षस्थल दान याये मास्ति वः ।’