ल्हुतिइ निःशुल्क स्वास्थ्य शिविर

येँ – हलिं नेवाः गुथि ल्हुति कचाया स्वास्थ्य कवःया मू ग्वसाः व थीथी खलः, पुचःया सहकार्यय् ल्हुतिया बाइसधारा उद्यान (पार्क)य् बृहत निःशुल्क स्वास्थ्य शिविर ज्याझ्वः जुल । उगु स्वास्थ्य शिविरय् पिपुल्स डेन्टल कलेजया एण्ड हस्पिटलया चिकित्सकतय्सं स्वास्थ्य परीक्षण यानादीगु खः ।

हस्पिटलया डा. मोहम्मद साघिर खानया नेतृत्वय् स्वम्ह चिकित्सक, झिंस्वम्ह स्वास्थ्य परिचारिक (नर्स) व छम्ह चिकित्सकं स्वयमसेवक चिकित्सकं नं स्वास्थ्य शिविरय् ग्वाहालि यानादीगु खः । शिविरय् ओपीडी, दन्त, रक्तचापया परीक्षण नापं यानाः स्वसः स्वयां अप्वःसिनं थःथःगु स्वास्थ्य परीक्षण याकादीगु खः ।

शिविर संचालन जुइगु ई सिधयेकाः नं स्वास्थ्य परीक्षणया निंतिं वयाच्वंपिंत ओपीडीया सेवा बीगु ज्या लिबाकतकं जुयाच्वंगु ग्वसाः खलकं जानकारी बिउगु दु ।

स्वास्थ्य शिविरय् संघीय संसदया रामवीर मानन्धर, प्रदेश सांसद वसन्त मानन्धर, हलिं नेवाः गुथिया पुलांम्ह नायःलिसें संरक्षक शान्तप्रकाश श्रेष्ठ, वर्तमान नायः जुजुमान श्रेष्ठ, सतक विस्तारपीडित संघर्ष मितिया नायः सुमन साय्मि, बालाजु बाइसधारा पार्कया प्रमुख निरञ्जन बस्नेत लगायत नं उपस्थिति दुगु खः ।

सम्बन्धित बुखँ

LEAVE YOUR COMMENTS