दानवीर अमिताभ

बलिउडया ‘बीग बी’ अभिताभ बच्चन तःधंगु मात्राय् कर पुलाः हाकनं छक्वः चर्चाय् वःगु दु । अभिताभ बच्चनं आर्थिक दँ सन् २०१८–१९या निंतिं ७० करोड स्वयां अप्वः कर पूगु खः । अमिताभं थुलि तःधंगु मात्राय् कर पूगु विषय भारतीय फिल्म उद्योगय् चर्चाया विषय जुयाच्वंगु दु ।

अमिताभया चर्चाया कारण वं पूगु करय् जक सीमित मजू । थ्व बाहेकं अमिताभं विहारया मुजफ्फरपुरया किसानतय् त्यासा नं पुला बिउगु दु । अमिताभं २,०८४ म्ह किसानतय् त्यासा चुक्ता याना बिउगु खः । तर अमिताभं गुलि ध्यबा त्यासा पुला बिउगु धइगु बारे धाःसा छुं स्पष्ट यानतःगु मदु ।

अथे हे अमिताभया चर्चाया खँ ल्हायेगु खःसा थ्व बाहेकं वं मेगु छगू नं मानवताया धर्म निर्वाह याःगु दु । अमिताभं वंगु छुं ई न्ह्यः काश्मिरया पुलावाय् जूगु आक्रमणय् लानाः घाःपाः जूपिं त नं १० लाख तका दां ग्वाहालि याःगु दु ।

सम्बन्धित बुखँ

LEAVE YOUR COMMENTS