ने. सं. ११४६ बछलागा तृतीया -

विदेशय् च्वनाः नेपालय् टेलिभिजन न्यायेगु सुविधा

येँ – विदेशय् च्वंपिं नेपाःमिपिंसं आवंनिसें विदेशय् हे च्वनाः नेपालय् टिभी न्यायेफइगु जूगु दु । थुकिया निंतिं सामसुङ उत्पादनया नेपाःया अधिकृत वितरक हिम इलेक्ट्रोनिक्स व सिटी एक्स्प्रेस मनि ट्रान्सफर दथुइ साझेदारी जूगु दु । साझेदारीइ हिम इलेक्ट्रोनिक्सपाखें प्रभाकर शम्शेर थापा व सिटी एक्स्प्रेसपाखें चन्द्र तन्डनं एमओयुलय् हस्ताक्षर याःगु दु ।

सम्झौता कथं कतार, साउदी, कुवेत व मलेसियाय् च्वंगु सिटी एक्सप्रेसया मनि ट्रान्सफरया काउन्टय् वनाः ध्यबा जम्मा यात धायेवं नेपालय् च्वंपिं वया छेँजःपिंसं उगु हे देय्या एमआरपीइ टिभी न्याना कायेफइ ।

विदेशय् च्वंपिं नेपाःमिपिंत स्वदेशय् हे टिभी न्यायेत प्रोत्साहित यायेगु निंतिं थ्व सुविधा बियागु खँ कम्पनीं धाःगु दु । थ्व सुविधां विदेशं टिभी ज्वना वयेबलय् तज्याःगु जोखिमपाखें मुक्त जुइगु, लिसें टेलिभिजन ज्वना वयेबलय् वइगु थीथी समस्या पाखें मुक्त जुइगु, वारेन्टीया दावी यायेफइगु खँ कम्पनीं धाःगु दु ।