आइफा विवाद तच्वल

येँ – नेपालय् जुइत्यंगु भारतीय फिल्म अवार्ड आईफायात कयाः सरकार दुने हे विवाद ब्वलंगु दु । वंगु वालय् च्वंगु मन्त्रिपरिषद बैठकं आईफा अवार्ड नेपालय् याके बीगु निर्णय स्वीकृत याःगु खः ।मन्त्रिपरिषदया निर्णय सार्वजनिक जुइवं उकियात कयाः थीथी कथंया विवाद ब्वलंगु दु । अवार्ड ताःलाकेगु निंतिं सरकारं थ्यंमथ्यं १ अर्ब तका खर्च ग्वसाः खलःयात बीगु खँ सार्वजनिक जूगु खः । उगु खँ सार्वजनिक जुइवं अर्थमन्त्री युवराज खतिवडां आईफाया निंतिं थम्हं बजेट मफ्यानागु खँ धाःगु दु ।