नेप्सेया गल्तीं वमीया भाः समायोजन

येँ – नेपाल स्टक एक्सचेञ्जं गल्तीवश वमि माइक्रोफाइनान्सया हकप्रद शेयरया मू समायोजन यानाबिउगु दु । वमीया विशेष साधारण सभाया निंतिं बुक क्लोज यायेगु झ्वलय् हकप्रदया भाः नं समायोजन यानाबिउगु खः । संस्थां फागुन ६ गते विशेष साधारण सभा यायेत्यंगु दु । ‘जिमिसं साधारण सभाया निंतिं जक बुक क्लोजया जानकारी बियागु, तर स्टकपाखें हकप्रदया शेयर तकं भाः समायोजन यानागु सुचं बिल’ कम्पनीया सचिव प्रमेश आचार्यं धयादीगु दु ।

हकप्रद शेयर साधारणसभां पारित मजुइकं निष्काशन यायेदइमखु । कम्पनी शतप्रतिशत हकप्रद बीगु प्रस्ताव साधारण सभाय् यंकेत्यंगु दु ।आइतवाः ९८९ तकां कारोवार जूगु शेयरयात नेप्सें सोमवाः ६१० तकां भाः समायोजन यानाबिउगु खः । तर बुक क्लोज जुयाच्वंगुलिं कारोवार धाःसा मजुल ।