कोकाकोलापाखें सन् २०३० दुने दक्वं बोटल रिसाइकल यायेगु प्रतिबद्धत
येँ – लोकंह्वाःगु पेयपदार्थ कोकाकोलां सन् २०३० तकया दुने थःपिनिगु उत्पादन प्याकेजिङ्ग यानाछ्वयागु बोटल शतप्रतिशत संलकन यानाः रिसाइकल यायेगु खँ धाःगु दु । विश्व वातावरण दिवसया लसताय् बुधवाः छगू पत्रकार सम्मेलन यासें कोकाकोलाया उत्पादक कोकाकोला नेपालं थीथी साझेदारतलिसे जानाः ‘फोहररहित विश्व’ (वल्र्ड विथआउट वेस्ट) दयेकेगु प्रतिबद्धता प्वंकूगु खः ।
ज्याझ्वलय् न्ववानादिसें कोकाकोलाया साउथ वेस्ट एशियाया अपरेशन भाइस प्रेसिडेन्ट सुन्दीप बजोरियां ‘वल्र्ड विथआउट वेस्ट’या लक्ष्य चूलाकेत फोहरया समस्या म्हो यायेगु निंतिं थीथी पहल यानाच्वनागु खँ धयादिल । थुकिया निंतिं कोकया बोटल संकलन यानाः रिसाइकल यायेगु निंतिं स्थानीय संघसंस्थात लिसे जानाः ज्या याना च्वनागु खँ कनादिल ।
ज्याझ्वलय् कोकाकोलापाखें नेपाः सरकार, पर्यटन विभाग, नेपाली सेना, नेपाल पर्वतारोहण संघ, एसपीसीसी, डब्ल्यु डब्ल्यु एफ, एसपीसिसिलिसे जानाः सगरमाथा पाखें फोहर संकलन यानागु जानकारी नं बिउगु खः । ज्याझ्वलय् पर्यटन विभागया महानिर्देशक डन्डुराज घिमिरे, डब्ल्युडब्ल्युएफया डा. घनश्याम गुरुङ्ग सगरमाथा सफाइया लिसें वातावरण सफाइया निंतिं कोकाकोलां यानाच्वंगु ज्याया निंतिं सुभाय् बियादीगु खः ।
पत्रकार सम्मेलनय् कोकाकोला चितवन राष्ट्रिय निकुञ्जय् प्लाष्टिकरहित यायेगु निंतिं यानाच्वंगु ग्वाहालिया बारे नं जानकारी बिउगु खः ।
पत्रकार सम्मेलनया झ्वलय् कोकाकोला नेपालं बोटल संकलनयानिंतिं निगू पिइटी रिसाइक्लिंग प्रोजेक्ट नगर मित्र व रिसाइकलर साथी लिसे सहकार्य यानागु घोषणा नं याःगु खः ।
रिसाइकलर साथी संचालन यानाच्वंगु क्रियशनया सिइओ आनन्द मिश्रा, कोकाकोला नेपालया कन्ट्री डाइरेक्टर अम्बुज सिंह व बोटलर्स नेपालया म्यानेजिङ्ग डाइरेक्टर प्रदीप पाण्डें एमओयु हस्ताक्षर नं याःगु खः ।
LEAVE YOUR COMMENTS