चैत ७ गते त्रिशुली थ्री बीया शेयर

येँ – सरकारं न्ह्याकाच्वंगु ‘जनताया जलविद्युत कार्यक्रम’ अन्तर्गत न्हापांखुसी माथिल्लो त्रिशुली थ्री ‘बी’या शेयर पितबीगु जूगु दु । नुवाकोट व रसुवाय् दयेकाच्वंगु थ्व आयोजनाया शेयर चैत ७ गते निसें हे पितबीत्यंगु खः । ऊर्जा, जलस्रोत तथा सिँचाइ मन्त्रालयं वंगु फागुन २ गते ‘जनताया जलविद्युत कार्यक्रम’ सार्वजनिक याःगु खः ।

थ्व कार्यक्रम अन्तर्गत लाकाः ३७ मेगावाटया थ्व आयोजनाया १५ प्रतिशत शेयर सर्वसाधरणया निंतिं पितबीत्यंगु खः । मन्त्रालयं थीथी आयोजनाय् ४९ प्रतिशत जनताया शेयर सुनिश्चित यायेगु धकाः १९ गू आयोजनाया नां सार्वजनिक याःगु खः । थ्व हे आधार आः त्रिशुली थ्री बीया जारी पुँजी निगू अर्ब ४७ करोडया १५ प्रतिशत जुइकथं ३७ करोड ५ लाख तका बराबरया ३७ लाख ५ हजा कित्ता साधारण शेयर पितबीत्यंगु खः ।

थुकिया ३ प्रतिशत शेयर धाःसा कर्मचारीतय्त छुटे यानातःगु दुसा ल्यंदुगु ३५ लाख ९३ हजा कित्ताया निंतिं सर्वसाधारणं आवेदन यायेफइ ।
बिहिवाः निसें चालीगु थुकिया आवेदन चैत १२ गते तक जक चालीसा सर्वसाधारणं छम्हेसिनं अप्वलय् १००० कित्ता तक जक आवेदन यायेदइ ।

सरकारं जनताया शेयर कार्यक्रम अन्तर्गत पितबीगु शेयरय् न्हापांगु चरणय् १० प्रतिशत जनतापाखें शेयर आह्वान यायेगु व्यवस्था यानातःकथं आः पितबीत्यंगु शेयरया अंकित मू १०० तका जूसां १० प्रतिशतया ल्याखं १० तका जक तोके यानातःगु खँ आयोजनाया प्रमुख आनन्द ढुंङ्गेलं धयादीगु दु ।

सम्बन्धित बुखँ

LEAVE YOUR COMMENTS