अमिषाया किल्लर फिगर

थ्व इलय् फिल्मी संसारं तापाक च्वनाच्वंम्ह बलिउड अभिनेत्री अमिषा पटेल इलय् व्यलय् चर्चाय् वयाच्वनीम्ह छम्ह सेलिब्रिटी खः । फिल्मी संसारं तापाक च्वनाच्वंसां अमिषाया चर्चा धाःसा आः नं उतिकं जुयाच्वंगु दु । उमेरं ४३ दँ क्यनेधुंकूम्ह अमिषाया चर्चा जुइगु मध्ये छगू कारण खः वयागु किल्लर फिगर ।

अमिषाया थ्व हे किल्लर फिगरया कारणं जक वयागु चर्चा जुयाच्वनीगु मखसे वयागु ‘हट एण्ड बोल्ड’ किपाया कारणं नं सामाजिक संजालय् इलय्व्यलय् चर्चाय् वयाच्वं । हालय् जक थःगु ४३ दँ बुन्हि हनेगु झ्वलय् अमिषां थःगु हट किपा सार्वजनिक याःगु दु । वयागु थ्व हट किपा नं सामाजिक संजालय् भाइरल जुयाच्वंगु दु ।

अमिषाया उगु किपा खनाः सामाजिक संजाल प्रयोगकर्तातय्सं ‘पुनम पाण्डेया थें किपा दयेकाः भाइरल याना बिउ’ धकाः तकं हिस्याःगु दु । अमिषां छगू मेचय् अःखतं च्वनाच्वंगु बोल्ड किपा सार्वजनिक याःगु खः ।