यलय् तःधंगु प्रदर्शन, मन्त्रालयया विज्ञप्ति स्वीकार मदु

नेपालभाषा टाइम्स
- बुखँ
- राष्ट्रिय
किपा-थीथी अनलाइनपाखें साभार

येँ- गुथि विधेयक विरुद्धया प्रदर्शन तच्वया वनेगु झ्वलय् थौं यलय् तःधंगु प्रदर्शन जूगु दु । यलया मंगलबजारं सनिलय् ५ बजे निसें सुरु जूगु विरोध ¥यालीं द्वलंद्वः मनूतय् सहभागिता दुगु खः । ¥याली प्रदेश सभा सांसद शोभा शाक्य, ज्यापु समाजया नायः चन्द्र महर्जन, ताम्राकार समाजया नायः रविन्द्रराज ताम्रकार, विवेकशील नेपालया संयोजक उज्ज्वल थापा, गायक योगेश्वर अमात्यलिसें थीथी जातीय खलःपुचःया न्ह्यलुवाःपिं, थीथी गुथिया गुथियारपिंसं ब्वति कयाच्वंगु दु ।

नेवाःतय् सम्पदा मासे याये दइमखु, सकल गुथियारत छप्पँ जुइ, गुथि विधेयक लित कायेमाः धयागु नारा बियाः ¥याली न्ह्याःगु खः ।

गुथि विधेयक विरुद्ध संघर्ष समिति, ललितपुरया आह्वानय् जूगु विरोध ¥याली यल नगर चाःहिलाःसभाय् हिउगु खः । सभाय् थीथी वक्तापिंसं न्ववानाच्वंगु दु ।

प्रदर्शनकारीतय्सं भूमि व्यवस्था सहकारी तथा गरिबी निवारण मन्त्रालयया प्रवक्ता जनकराज जोशीया नाम्र सरकारं पिथंगु विज्ञप्तियात स्वीकार यायेमफइगु खँ नं धाःगु दु । मन्त्रालयं पिकाःगु थ्व वक्तव्य स्वनिगलय् न्ह्याःगु आन्दोलनयात मत्थर यायेत षडयन्त्र जक जूगु धासें थुकिं आन्दोलन दीमखु धाःगु दु । प्रदर्शनकारीतय्सं छुं नं हालतय् विधेयक लित कायेमाः, विधेयक लित मकाःतले आन्दोलन दीमखु धाःगु दु ।