# पुष्प मुनंकःमि

बहनी जुइवं व जिगु छ“ेय् वल
थःत धकाः थुयातयागु जा हे वयात नकाः
उगु चान्हय् थः द्यांलानाः
अले थःगु लासाय् वयात थ्यनाः
वयागु निंतिं जि सुरक्षा गार्ड जुया

मेगु दिन व हानं वल
जिमित यक्व हे चाकुगु माकुगु ख“ न्यंकल
जिमिसं नं बांबांलाःगु म्हगस खंका
कन्हय् पक्का नं निभाः त्वइ धकाः विश्वास याना
वं धाःगु ख“यात गुरुमन्त्र तायेका
जबजब गितारया सः नापं वं म्यँे हाल
लाता, ग्वाज्यःपिनिगु हि नं दासि वल
सा, दुगु तक नं स्वतन्त्र जुयेत स्वल

यक्व दिन लिपा व हानं जिमिगु गामय् वल
“हियागु साप हे आवश्यक जुल
का ! भचा भचा हि मुना बिये माल” धाल
सुख्खा, भुइसे च्वंगु ख्वाःया गामाःत मुनाः
वयात हि लःल्हानाबिया
व इलय् जिपिं सकसिनं गौरब तायेकागु खः
आपतया इलय् जिमिसं नं हि बिये दयाः

उकिया छुं दिन लिपा
बन्दुकं घेरे यात गांयात चाकःलिं
फलतः हिं त्वपुल सिमा, घा“य् तक नं
गाः दक्व हिं जाल
तर गौरव तायेकाच्वन क्वःदले धुंकूगु लाशतय्सं
प्राण त्याग यायेत्यंपिं योद्घातय्सं

चाया नितिं हि बहा वंके दयाः
धु“, भालु, धों, गुँखिचात अन वयाः नं
व लाश, हि नतुना
उकिया सम्मानय् छ्यं क्वछुकाः लिहांवन
चखुंचात्सं वीर योद्घातय्गु म्येँ हालाच्वन
व इलय् धर्ति जक मखु

आकास तक नं ह्याउ“या अभिनन्दन यानाच्वन

कन्हय्कुन्हु योद्घाया सम्मानय् क्रान्तिया म्येँ हालेत
जनताया व हे गायक अन वल
जब गिटारया क्रान्तिकारी सः नापं
वं थःगु सः पिज्वयेकल
ख्वयाच्वंगु हि नं दासी वल
चिहानय् सुचुकातःगु लाश तक नं सनाहल
आकासं हि वाःगात
जब बहनि जुल
व हे गायक बुलुहुं पिहां वयाः
न्हाचः दासि वःगु हि त्वन
ल्यत्तुल्ययाः लाश नयाहल
अले लाशय् फायेकातःगु ह्याउ“गु कापतं
ल्हाः, म्हुतु हुयाः सुरुक्क दुहां वन ।

सम्बन्धित बुखँ

LEAVE YOUR COMMENTS