देय् दबू भोजपुर जिल्ला कमिटी पुनःगठन

येँ – नेवाः देय् दबू भोजपुर जिल्ला कमिटी पुनःगठन याःगु दु । छुं दिं न्ह्यः च्वंगु छगू मुँज्यां वंगु छुं दँ न्ह्यवंनिसें निष्क्रिय जुयाच्वंगु जिल्ला कमिटीया पुनःगठन याःगु खः । नेपालभाषा मंकाः खलः भोजपुरया कार्यवाहक नायः गणेश प्रधानया सभापतित्वय् च्वंगु छगू मुँज्यां रामचन्द्र श्रेष्ठया संयोजकत्वय् देय् दबूया भोजपुर जिल्ला कमिटीया पुनःगठन याःगु खः ।

श्रेष्ठया अध्यक्षताय् झिंन्हय्म्हेसिया जिल्ला कमिटी गठन याःगु खःसा गणेश प्रधानलिसें खुम्हेसिया सल्लाहकार समिति नं गठन याःगु दु ।
उगु मुँज्याय् नेवाः देय् दबूया नायः नरेश ताम्राकार मूपाहांकथं झायादीगु खःसा केन्द्रीय दुजःपिं जयकुमार श्रेष्ठ, अनिल मास्के, नेवाः देय् दबू प्रदेश नं. १ या कार्यवाहक संयोजक इन्द्रबहादुर श्रेष्ठ, प्रदेश सदस्य सीताराम श्रेष्ठ, प्रदेश सल्लाहकारपिं गणेश वज्राचार्य, राजीव हलुवाई पाहांकथं झायादीगु खः ।

पुनःगठित जिल्ला समितिया नायः श्रेष्ठं भोजपुर जिल्लाय् नेवाः भाय्, कला, संस्कृति लगायतया परम्परा, व्यापार, व्यवसाययात प्रवद्र्धन यायेगु निंतिं थःपिंसं फूचाःगु योगदान बीत तयार दुगु खँ धयादीगु दु । लिसें याकनं हे जिल्लाया थीथी स्थानीय तह व वडास्तरय् नं समिति गठन यानाः जिल्लान्यंकं च्वंपिं नेवाःतय्त छप्पँ यायेगु व वयां लिपा जिल्ला सम्मेलन यायेगु नं जानकारी बियादीगु दु ।

सम्बन्धित बुखँ

LEAVE YOUR COMMENTS