सहुलियत त्यासा कायेत सरकारया सुचं

येँ – वैदेशिक रोजगार बोर्डं वैदेशिक रोजगारीं लिहां वःपिं ल्याय्म्हतय्त सहुलियत त्यासा कायेया लागिं बैंक व वित्तीय संस्थाय् स्वापू तयेत इनाप याःगु दु । ल्याय्म्हतय्सं थःपिसं पेश याःगु व्यावसायिक योजना सहित पायक जूगु वाणिज्य बैंक व वित्तीय संस्थाय् स्वापू तयेत इनाप याःगु खः ।

सरकारं वैदेशिक रोजगारीं लिहां वःपिं ल्याय्म्हतय्त विदेशय् सयेका वःगु सीप व दक्षता छ्यलाः स्वदेशय् स्वरोजगार जुइत ग्वाहालि यायेगु आज्जु कथं सहुलियत त्यासा बीत्यंगु खः । सहुलियत त्यासाया निंतिं वैदेशिक रोजगारपाखें लिहां वःपिं १९ हजार मनुखं बोर्डय् आवेदन बिउगु खः । उमित १० लाख तका तक त्यासा बीगु नीति दु ।

बोर्डं सिफारिस याःसां वाणिज्य बैंकत धाःसा अज्याःगु त्यासा बीत लिचिलाच्वंगु दु । उमिसं लगानी लिहां वइगु ग्यारेन्टी मदु धासें त्यासा बीगुपाखें लिचिलाच्वंगु खः । सरकारं ल्याय्म्हतय्त बीगु त्यासा व्यवस्थित रुपं सञ्चालन यायेगु निंतिं ‘सहुलियतपूर्ण त्यासाया निंतिं ब्याज अनुदान सम्बन्धी एकीकृत कार्यविधि, २०७५’ जारी यायेधुंकूगु दु ।

तर वाणिज्य बैंकतय्सं धाःसा अज्याःगु त्यासा बीगु स्वयां नं त्यासाया निंतिं वनीपिं युवातय्त हतोत्साही यानाच्वंगु दु । बैंकतय्सं लगानीया कार्यविधि स्पष्ट मजू धासें ल्याय्म्हतय्त लित छ्वया हयाच्वंगु दु । २०७२ सालया तःभुखाय् लिपा नं सरकारं भुखाचं पीडित जनताया निंतिं २ प्रतिशत ब्याजदरं त्यासा बीगु धाःगु खःसां वाणिज्य बैंकतय्सं अज्याःगु त्यासा प्रवाह मयाःगु खः ।

सम्बन्धित बुखँ

LEAVE YOUR COMMENTS