फास्ट ट्र्याक पीडिततय् विरोध ¥याली

यल – येँ–बारा (निजगढ) फास्ट ट्र्याकपाखें पीडित जूपिं बुंगः, ख्वना लगायतया थासय् च्वंपिंसं थौं छगू वृहत ¥याली पिथनेत्यंगु दु । फास्ट ट्र्याक सतकपीडित जनसरोकार समिति, बुंगया आह्वानय् बुंग, ख्वना, भैंसेपाटी, एकान्तकुना जुयाः यलया मंगलबजातक उकथं प्रदर्शन यायेत्यंगु खः ।

सर्वोच्च अदालतया आदेश अःखः फास्ट ट्र्याकया निंतिं लँ लाःगु थासय् च्वंपिनिगु छेँ थुनेगु व उब्जनिशील जग्गा कब्जा यायेगु ज्या न्ह्यानाच्वंगु धासें स्थानीयपीडिततयसं उगु विरोध ¥याली पिथनेत्यंगु खः । ¥याली न्ह्याके स्वयां न्ह्यः बुंगस्थित बसपार्कय् मुनाः बुंग देय् चाःहिलेगु व वयां लिपा ¥याली मंगलबजाःपाखे न्ह्याकेगु ज्याझ्वः दुगु स्थानीय राजवीर डंगोलं ‘नेपालभाषा टाइम्स’यात कनादिल ।

फास्ट ट्र्याक, बागमति करिडो, हाइटेन्शन व स्मार्ट सिटी दयेकेगु धकाः ख्वना व बुंग लागाया छेँ थुनेगु व खेती योग्य जमीन कब्जा यानाः सरकारं स्थानीय नेवाःतय्त थःगु लागां विस्थापित यायेत स्वःगु धासें उगु विरोध जुलुस पिथनेत्यंगु खः । विरोध जुलुस लिपा मंगलबजारय् छगू सभा नं याइगु जूगु दु ।

उखे बुंगया वडाअध्यक्ष अमीरमान शाक्य व ख्वनाया वडाअध्यक्ष रविन्द्र महर्जनं राष्ट्रिय गौरवया आयोजना जूगुलिं उकिया विरोध यायेगु विकास विरोधी ज्या जूवनीगु धासें जनसरोकारया विषयय् मौन च्वनाच्वंगु खँ सीदुगु दु ।