ने. सं. ११४४ कछलागा षष्ठी -

स्वयम्भूया आइसोलेसन सेन्टर हानं न्ह्याकल

येँ – राजधानी येँय् कोरोना संक्रमितया ल्याः धमाधम अप्वया वयेवं थनया स्वयम्भूइ च्वंगु आनन्दकुटी आइसोलेसन सेन्टर हानं सञ्चालन याःगु दु । आः पीसीआर परीक्षण यायेबलय् पोजिटिभ पिहां वःपिं मनूतय्सं अन स्वापू तयाः च्वने फइगु खँ धाःगु दु ।

कोरोनाया निगूगु लहर व्यापक जुइवं येँया थीथी थासय् सामुहिक आइसोलेसन सेन्टरत चायेकेगु ज्या जूगु खः । आः कोरोनाया स्वंगूगु लहर वये फइगु अनुमान सरकारं यायेधुंकूगु दु ।