न्हय्गुलिं प्रदेशया मुख्यमन्त्री क्वःजित

येँ- न्हय्गुलिं प्रदेशया मुख्यमन्त्री जुइपिं नं निश्चित जूगु दु । न्हय्गू प्रदेश मध्ये प्रदेश १ या मुख्यमन्त्री पदय् एमालेया शेरधन राई, २ नम्बर प्रदेशय् संसफोया लालबाबु राउत, ३ नम्बर प्रदेशय् एमालेया डोरमणि पौडेल, ४ नम्बर प्रदेशय् एमालेया पृथ्वीसुब्बा गुरुङ, ५ नम्बर प्रदेशय् एमालेया शंकर पोखरेल, ६ नम्बर प्रदेशय् माओवादीया महेन्द्रबहादुर शाही व ७ नम्बर प्रदेशय् नं माओवादीया हे त्रिलोचन भट्ट मुख्यमन्त्री पदय् नियुक्ति जूगु दु ।

२ नम्बर प्रदेशय् संसफो व राजपा दथुइ मन्त्रालय बाँडफाँड बारे लिखित सहमति जूगु दु । गुकी संसफों स्वंगू व राजपां स्वंगू मन्त्रालय कायेगु सहमति जूगु दु ।

५ नम्बर प्रदेशय् धाःसा आः तुरुन्त स्वम्ह जक दुजः दुगु मन्त्रिमण्डल दयेकेगु खँ जूगु दु । ३ नम्बर प्रदेशय् मिसाम्ह मुख्यमन्त्री जुइगु सम्भावना टरे जुइवं छम्ह हे मिसाम्ह मुख्यमन्त्री मवः थें सभामुख पदय् नं छम्ह मिसाम्ह मवःगु खँय् मिसा आन्दोलनकारीतय्सं आपत्ति क्यना हःगु दु ।