पृथ्वीनारायण शालीकया विरोध

येँ – जनजाति नेता आङ्गकाजी शेर्पां चन्द्रागिरीइ हे वनाः अन पृथ्वीनारायण शाहया शालिक तःगु खँय् विरोध यानादीगु दु । शेर्पालिसें छपुचः जनजाति नेतात अन वनाः पृथ्वीनारायण शाहया शालिक चीकेमाः धासें प्रदर्शन याःगु खः । प्रदर्शन याःगु पुचलं किपूया योद्धा कीर्तिलक्ष्मीया तस्बिर ब्वयाः पृथ्वीनारायण शाहया शालिक चीकेमाःगु माग याःगु खः ।

प्रदर्शनया झ्वलय् जनजाति नेता शेर्पां पृथ्वीनारायण शाह जनहत्यारा जूगु धासें पृथ्वीनारायण शाहं नेपाःगालय् आक्रमण याःवःगु इलय् मिजंया भेषय् ल्वाःम्ह कीर्तिलक्ष्मीया प्रशंया यानादीगु खः ।

पृथ्वीनारायण शाहं किपू त्याकेधुंकाः स्थानीयतय् न्हाय् ध्यना बिउगु धासें अज्याःम्हेसिया शालिक चन्द्रागिरीइ तये मजिउ धकाः विरोध याना वयाच्वंगु खः ।

चन्द्रागिरीइ केवल कार चले यानाच्वंगु कम्पनीं अन पृथ्वीनारायण शाहया शालिक तःगु खः । शाहं किपुली आक्रमण याःवःगु इलय् चन्द्रागिरीया भालेश्वर महाद्यःया दर्शन याना वःगु धाइ ।

सम्बन्धित बुखँ

LEAVE YOUR COMMENTS