यलयात हस्तकला नगर दयेकीगु

येँ – यल महानगरयात हस्तकला नगर कथं विकास यायेगु निंतिं विशेष योजना दयेकाच्वंगु खँ सीदुगु दु । यल मनपाया प्रवक्ता राजु महर्जनं ‘नेपालभाषा टाइम्स’ यात थ्व जानकारी बियादीगु खः ।

यलयात हस्तकला नगरी दयेकेत हस्तकला विकास समिति गठन जुइधुंकूगु खँ कँसें वय्कलं उगु समितियात महाशाखाया रुपय् विकास याना यंकेगु जानकारी बियादिल । वंगु छुं महिना न्ह्यः जक विश्व कला परिषदं यल नगरयात हस्तकला नगरीया उपाधी बिउगु खः ।
नेवाःतय् संस्कृति सम्पदा ल्यंकेगु निंतिं सांस्कृतिक महाशाखाया रुपय् विकास समितियात यंकेगु व उगु हे समिति मार्फत यलया सम्पदा संरक्षण यायेगु योजना कथं ज्या जुयाच्वंगु जानकारी नं वय्कलं बियादिल ।

अथेहे यलया कुपन्डोलंनिसें जाह्वलाख्यः तक साइकल लेन दयेकेगु निंतिं टेन्डर आह्वान जुइधुंकूगु जानकारी नं वय्कलं बियादिल । अथे हे मंगःनिसें पूच्व तक नं साइकल लेन दयेकेगु कथं ज्या जुयाच्वंगु खँ वय्कलं कनादीगु दु ।

सम्बन्धित बुखँ

LEAVE YOUR COMMENTS