छपु म्यें हःगु राजनीतिक बबाल !

येँ – लोक गायक पशुपति शर्मां हालादीगु ‘लुट्न सके लुट’ धाःगु म्येँयात कयाः सदनय् तकं वहस शुरु जूगु दु । कांग्रेसया सांसद अमरेश कुमार सिंहं वर्तमान सरकार छपु म्येँपाखें हे थारान्हूगु प्रतिक्रिया बिसें उम्ह म्येँ रचना यानादीम्ह शर्मायात थम्हं २५ द्वः दां बीगु घोषणा यानादीगु खः । वय्कःया उगु घोषणायात नेकपाया सांसद झपडबहादुर रावलं आपत्ति क्यँसें शर्माया म्येँय् छ्यलातःगु खँग्वः पाय्छि मजूगु तर्क तयादिल । अज्याःगु म्येँ यदि सांसद सिंहं हालादिल धाःसा थःगु लछिया तलब बीगु घोषणा रावलं यानादिल ।

यूट्युबय् तयातःगु उगु म्येँयात सरकारं प्रतिबन्ध तःगु खःसां सरकारं धाःसा थःपिंसं प्रतिबन्ध तयागु मखु धकाः स्पष्ट यायेधुंकूगु दु । विवेकशील साझा पार्टीया कार्यकर्तातय्सं धाःसा विवादया लबः कायेत सार्वजनिक रुपं म्येँ हायेकाः सरकारया आलोचना शुरु याना हःगु दु । मेखे सामाजिक सञ्जालय् धाःसा थ्व म्येँयात अनेक रुप बियाः पुनः प्रशारण यायेगु ज्या तीव्र जूगु दु । थीथी पार्टीयात नेतात प्याखं हुलाच्वंगु भिडियोलय् उगु म्येँ डब यानाः क्यनेगु ज्या नं याना हःगु दुसा कर्णालीया छपुचः ल्याय्म्हतय्सं उगु हे म्येँयात कयाः मेगु लोकम्येँ दयेकाः सरकारया आलोचना याना हःगु दु । अज्याःगु सामग्री नं लखौं मनूतय्सं स्वयेधुंकूगु खनेदु ।

सम्बन्धित बुखँ

LEAVE YOUR COMMENTS