पूर्व प्राथमिक शिक्षाय् भर्नादर उदाहरणीय ः युनिसेफ

संयुक्त राष्ट्र संघीय बाल कोष (युनिसेपंm) नेपाःया पूर्व प्राथमिक शिक्षाय् भर्नादर उल्लेखनीय रुपं अप्व वनाच्वंगुलिइ विश्वय् हे उदाहरणीय जूगु न्ह्यथंगु दु । युनिसेफया पूर्व प्राथमिक शिक्षायात कयाः विश्वव्यापी प्रतिवेदन ‘स्यनेगु निंतिं तयार विश्वः प्रारम्भिक शिक्षायात प्राथमिकता’ य् नेपाःया भर्नादर वंगु निगू दशकया तुलनाय् प्रगति जूगु खने दुगु धासें च्वछायातःगु दु ।

नेपाल सरकारं दँय्दसं बैशाखय् विद्यार्थी भर्ना व विद्यालय लसकुस ज्याझ्वःयात अभियानया रुपय् संचालन यायेवं प्राथमिक तहया पहुँचय् उल्लेखनीय रुपं वृद्धि जूगु खः । नेपालय् प्राथमिक शिक्षा भर्नादर वि.सं २०५७ निसें २०७४ सालतक थ्यंगु इलय् १२ प्रतिशतं ८६ प्रतिशतय् थ्यंगु दु । ‘पूर्व प्राथमिक शिक्षाया पहुँचय् नेपाःया थ्व तःधंगु हिउपाः खः’ प्रतिवेदनय् धयातःगु दु, ‘थ्व प्राथमिक तहया शिक्षा क्षेत्रय् उच्च प्रेरक घटना खः ।’

शिक्षा ऐन, २०२८या च्यागूगु संशोधन, २०७३ य् दछितक पूर्व प्राथमिक शिक्षा कायेमाःगु प्रावधानयात कानूनी अनिवार्यताया लिसें देय्या निःशुल्क व अनिवार्य आधारभूत शिक्षाय् तकं संलग्न याःगु खः । वंगु १२ दँया अवधिइ प्रारम्भिक बाल विकास केन्द्र (इसीडी)या ल्याखय् ३५ दुगं अप्वःगु दु । वि.सं. २०६० सालय् थुकिया ल्याः १०३८ दुगुलिइ आः अप्वया वनाः २०७२ सालय् ३५ द्वः ९९१ थ्यंगु दु ।

सम्बन्धित बुखँ

LEAVE YOUR COMMENTS