नगरपालिकाया स्थापना दिवसय् फोटो प्रदर्शनी

थिमि – मध्यपुर थिमि नगरपालिकाया २३ क्वःगु स्थापना दिवसया लसताय् लाकाः वृहत फोटो प्रदर्शनी जूु दु । मध्यपुर थिमि नगरपालिका ३ पुलांगु थिमिया कासा ख्यलय् उगु फोटो प्रदर्शनी जूगु खः । नगरपालिकाया स्थापना दिवसया लसताय् लाकाः राससया फोटो पत्रकारपिं रत्नकृष्ण श्रेष्ठ, रमेश गिरी, नवीन पौडेल व न्यूज अफया जगत प्रजापतिया किपा प्रदर्शनी याःगु खः ।

किपा ब्वज्याया संयोजक श्रेष्ठं नगरपालिकापाखें संचालन जुयाच्वंगु विकास निर्माणया ज्या, सम्पदा, थीथी ऐतिहासिक, धार्मिक, सांस्कृतिक महत्वया सम्पदा व उकिया पुनःनिर्माण, जिर्णोद्वार लिसें नगरया थीथी सांस्कृतिक जात्रा, पर्वया नापं थीथी ज्याझ्वःया किपा ब्वज्या यानागु जानकारी बियादिल ।

संघीय मामिला तथा सामान्य प्रशासन मन्त्री लालबाबु पण्डित, प्रतिनिधिसभा सदस्य महेश बस्नेत, ३ नं. प्रदेश सदस्य डा. राजेन्द्रमान श्रेष्ठ, रजनी जोन्छे, प्रतिमा श्रेष्ठ सूर्यविनायक नगरपालिकाया प्रमुख वासुदेव थापा, मध्यपुर थिमि नगरपालिकाया प्रमुख मदन सुन्दर श्रेष्ठ लगायत आपालं जनप्रतिनिधि, कर्मचारी व सर्वसाधारणं उगु फोटो प्रदर्शनीया अवलोकन यानादीगु संयोजक श्रेष्ठं जानकारी बियादिल ।