बायर्नं यात न्यागु गोल
म्युनिख (एजेन्सी) – बायर्न म्युनिखं जर्मन बुंडेसलिगाय् शनिवा: बहनि इनट्राच्ट फ्रायन्कफोर्ट ५-२ बुकूगु दु । थ्व जित लिपा बायर्नं शीर्ष स्थानय् हाकनं प्यंगु ल्या:या अग्रता कायम यात । बायर्नया पाखें लियोन गोरेट्ज्का, रोबर्ट लेवनडोस्की, थोमस मुलर व एलफान्सो डेभिस या:गु ख: । मेगु गोल मार्टिन हिन्टरेगरया नामय् आत्मघाती जुल । हिन्टरेगरं हे फ्रायन्कफर्टया निनिं मेगु निगू गोल नं या:गु ख: । थ्वयां न्ह्य: डर्टमन्डं उल्भ्सबर्गयात २-० बुकूगु ख: । वया नितिं राफेल गुरेरो र आकरफ हाकिमीं गोल यात ।
अथेंतुं मेगु महत्त्वपूर्ण कासाय् बायर लेभरकुजनं बोरुसिया मोन्चेनग्लायडब्याकयात ३-१ बुकल । थ्व कासा त्यायेवं लेभरकुजन स्वंगुगु थासय् थ्यंगु दु । वया ल्या: ५३ थ्यंगु दु । मोन्चेनग्लायडब्याक धा:सा ५२ ल्याखय् प्यंगुगु थासय् कुहाँ वन । मेगु कासाय् वेडर ब्रेमनं फ्रेइबर्गयात १-० पराजित याता धा:सा एससी पाडेरबर्ग ०७ ज होफनहायनं १-१ या बराबरी म्हितल ।
LEAVE YOUR COMMENTS