स्वक्वःगु उदाय् फुटसल कप श्री दिगुख्यः गुथिया ल्याय्म्ह पुचःयात

येँ – स्थापित खलःया स्थापित ल्याय्म्ह पुचःया ग्वसालय् फागुन २४ व २५ गते निन्हुयंकं युनाइटेड फुटसल बाफलय् जूगु स्वक्वःगु उदाय् फुटसल कप श्री दिगुख्यः गुथि असंया ल्याय्म्ह पुचलं त्याकेत ताःलाःगु दुसा लिउ न्यत तुलाधर समितिया ल्याय्म्ह पुचः लाःगु दु । अथे हे लियांलिउ कसाः तःधं गुथिया ल्याय्म्ह पुचलं लाःगु दु ।

फागुन २४ गते येँ महानगरपालिकाया उपमेयर हरिप्रभा खड्गी श्रेष्ठं रेफ्रियात बल लःल्हाना उलेज्या यानादीगु थुगु फुटसल कप ज्याझ्वलय् युवा पुचःया नायः प्रमिल स्थापित, स्थापित खलःया नायः सुवर्णकाजी स्थापितपिंसं कासाया पक्षयात कयाः थःथःगु नुगः खँ तयादीगु खः ।
कासाया उलेज्या जुइ न्ह्यः नेपाःया राष्टिय म्ये, उदाय् म्ये व कासा म्येँ हायेकाः कासा सुरु याःगु खः ।

फागुन २४ गते शुक्रवाः कुन्हु बनिया खलः व स्थापित खलःया युवातय् दथुइ म्हिताः सुरु जूगु धेंधेंबल्लाः न्हापांगु न्हि कुन्हु गुंगू कासा जूगु खःसा फागुन २५ गते प्यंगू कासा जूगु खः । थुगु धेंधेंबल्लाः कासाय् त्याःपिं सकल कासामिपिंत उदाय् समाजया नायः डा. रुपज्योति, स्थापित खलःया नायः सुवर्णकाजी स्थापित व स्थापित खलः ल्याय्म्ह पुचःया कजि प्रमिल स्थापितपिंसं कप, मेडल व दसिपौ लःल्हाःगु खः ।

सम्बन्धित बुखँ

LEAVE YOUR COMMENTS