कन्हय् नेफेजया पदयात्रा

येँ – नेपाल वातावरण पत्रकार समूह (नेफेजं) कन्हय् छगू पदयात्रा ज्याझ्वः याइगु जूगु दु । नेफेजं संचार ख्यःया विकास व संचार ख्यःसिे सम्बन्धित संघसंस्थाया सहकार्यय् कन्हय् मार्च ८ तारिखकुन्हु अन्तर्राष्ट्रिय श्रमिक मिसा दिवसया लसताय् लाकाः उगु पदयात्रा ज्याझ्वः यायेत्यंगु खः ।

समाचारकक्ष, व्यवस्थापन, नेतृत्व व नीतिगत तह लगायत सचारमाध्यमया दक्वं ख्यलय् मिसातय् सहभागिता अप्वयेकेगु निंतिं प्राथमिकता बीगु उद्देश्यं उगु पदयात्रा ज्याझ्वः यायेत्यनागु नेफेजया कार्यकारी निर्देशक सुबोध गौतमं कनादीगु दु ।

संचारमाध्यमय् मिसातय् सहभागिता अप्वयेकेत सकसिनं प्राथमिकता बीमाःगु व उकिया निंतिं दबाव बीगु उद्देश्यं ग्वसाः ग्वयेत्यनागु पदयात्राय् मिजं संचारकःमितय् ग्वाहालि व सहकार्य मदयेकं मिसातय् अधिकार प्राप्त जुइ मफइगु व मिसातय्त जुयाच्वंगु विभेद विरुद्ध सः नं सशक्त मजुइगुलिं मिजंपिं संचारकःमितय् सहभागितां तःधंगु अर्थ तइगु विश्वास नेफेजं काःगु दु ।

कन्हय् न्हिनय् १ ताः इलय् भृकुटीमण्डपय् मुनाः न्ह्याइगु पदयात्रा बसन्तपुलिइ थ्यंकाः क्वचायेकेगु ज्याझ्वः तयातःगु दु ।