प्रहरी प्रधान ज्याकुथिइ न्हूगु भवन

येँ – प्रहरी प्रधान ज्याकू परिसर दुने न्हूगु अडिटोरियम हल निर्माण याइगु जूगु दु । प्रहरी महानिरीक्षक सर्वेन्द्र खनालं न्हू निर्माण जुइगु हलया शिलान्यास यानादीगु खः । लिसें वय्कलं उगु इलय् परिसर दुने नवनिर्मित पश्चिम गेट, आगन्तुक कक्ष, न्हूगु प्रशासनिक भवन व राष्ट्रिय वाणिज्य बैंकया एटिएमया नं उलेज्या यानादीगु खः ।

ज्याझ्वलय् नवासें प्रहरी महानिरीक्षक खनालं नवनिर्मित प्रहरी ज्याकू भवनलिसें प्रहरीं सेवाग्राहीयात बीगु सेवा नं मन, बचन व कर्मं शुद्ध व सुन्दर जुइमाःगु धयादिल । उगु इलय् वय्कलं न्हू दयेकेत्यंगु अडिटोरियम हलया शिलान्यालिसें न्हूगुु प्रशासनिक भवन न्ह्यःने क्यबय् वृक्षारोपण नं यानादीगु खः ।

प्रहरी महानिरीक्षक खनालं न्हू दयेकीगु भवन आधुनिक व प्रविधियुक्तलिसें सुरक्षित जुइमाःगु खँय् चर्चा यासें प्रहरी प्रधान ज्याकुथिं पिने निर्माण जुइगु भवनयात तकं प्रेरित याइकथंया दयेकेमाःगु खँय् बः बियादिल । न्हूगु दयेकूगु भवनया पूर्णरुपं उपयोग जुइगु व थुकिं अपनत्व व भाइचारा विकासय् ग्वाहालि जुइगु विश्वास नं वय्कलं यानादिल ।

बहुआयामिक दृष्टिकोणं दयेकेत्यंगु अडिटोरियम हल क्वःछिनातःगु इलय् गुणस्तरीय रुपं निर्माण सम्पन्न यायेगुपाखें सजग जुइत निर्माण पुचःयात इनाप यासें बहुआयामिक हलया अभाव पूर्ति याइगु चर्चा यानादिल ।प्रहरी अतिरिक्त महानिरीक्षक नापं प्रहरी प्रधान ज्याकू अपराध अनुसन्धान व कार्य विभागया प्रमुख पुष्कार कार्कीं भौतिक पूर्वाधारया अभावय् नं प्रहरी युनिटं सेवा प्रदान याना वयाच्वंगु सन्दर्भय् नवनिर्मित भवन लिपा थप उर्जा प्राप्त जुइगु विश्वासप्वंकादिल ।

 

सम्बन्धित बुखँ

LEAVE YOUR COMMENTS