आयु संस्कार परित्याग दिवस हन

येँ –  विश्वन्यंकंया बौद्ध धर्मावलम्बितय्सं वंगु सिल्लाथ्व पुन्हि (सीपुन्हि)कुन्हु २५६३ क्वःगु आयु संस्कार परित्याग दिवस तःजिक हन ।
थ्वकुन्हु शान्ति नायक भगवान बुद्धया जन्मस्थल लुम्बिनीलिसें खास्थि, चारुमति विहार, स्वयम्भू लगायत थीथी बौद्ध विहार व गुम्बाय् पंचशील, अष्टशील ग्रहणलिसें परित्राण पाठ व बुद्ध पुजा यानाः थ्व दिवस हंगु खः ।

शान्ति नायक भगवान बुद्धं प्राप्त यानाबिज्याःगु न्यागू योगमध्ये छगू महानिर्वाण प्राप्त याना बिज्याःगु कुशीनगरय् थ्व दिवसयात विशेषरुपं महत्व बियाः हनेगु याना वयाच्वंगु दु ।भगवान बुद्धं सीपुन्हिया स्वला लिपा स्वांयाः पुन्हिकुन्हु थःगु नश्वर भौतिक देहत्याग यानाः महापरिनिर्वाण प्राप्त यायेगु घोषणा याःगु दिंया लुमन्तिइ थ्व दिवस हनेगु याना वयाच्वंगु खः ।

अथे हे भगवान बुद्धया चिरिमां प्रजापति गौतमीलिसें द्वलंद्वः मिसातय्सं बौद्ध शासनयात ग्रहण याःगु व प्रजापति गौतमीं परिनिर्वाण प्राप्त याःगु लुमन्तिकथं नं थ्व दिवस हनेगु याना वयाच्वंगु दु ।

 

सम्बन्धित बुखँ

LEAVE YOUR COMMENTS