एनएफपीजेया १०क्वःगु साधारणसभा

येँ –  राष्ट्रिय फोटो पत्रकार समूह (एनएफपीजे) नेपालया झिक्वःगु वार्षिक साधारणसभा जुल । ज्याझ्वलय् देय्न्यंकंया फोटो पत्रकार व पत्रकारतय्त निर्वाध रुपं सूचना सम्प्रेषण याये दइगु वातावरण दयेकेत धासें सरकारया ध्यानकार्षण याःगु दु । संस्थाया अध्यक्ष राजेन्द्र चित्रकारया सभापतित्वय् जूगु ज्याझ्वलय् मूपाहांकथं नेपाल पत्रकार महासंघया केन्द्रीय उपाध्यक्ष दिलिप थापामगर झायादीगु खः ।

संस्थाया सचिव नवराज श्रेष्ठं वार्षिक प्रगति प्रतिवेदन व कोषाध्यक्ष लेखबहादुर श्रेष्ठं संस्थाया आर्थिक प्रतिवेदन न्ह्यब्वनादीगु खः ।
साधारणसभां संस्थाया विधान संशोधन यानाः देय्या संघीय संरचनाकथं समूहयात नं न्हय्गू हे प्रादेशिक संरचनाय् यंकेगु निर्णय याःगु दु ।

ज्याझ्वलय् समूहया पुलांपिं अध्यक्षपिं मीनरत्न वज्राचार्य, कविन्द्रमान शाक्य, राजभाई सुवाल लगायत थीथी वक्तातय्सं फोटो पत्रकारया समस्या व इमिसं म्हितेमाःगु दायित्वया बारे नुगःखँ तयादीगु खः ।

सम्बन्धित बुखँ

LEAVE YOUR COMMENTS