‘निदँया दुने बागमतिइ म्वःल्हुइ जीकेमाः’

येँ – वइगु निदँया दुने बागमति खुसि म्वः ल्हुइ जीक सफा यायेगु लागिं शहरी विकास मन्त्री मोहम्मद इस्तियाक राईं निर्देशन बियादीगु दु । बागमति सभ्यता एकीकृत विकास समितिया पदाधिकारीपिंत थःथाय् सःताः मन्त्री राईं उगु निर्देशन बियादीगु खः ।

वय्कलं निदँया दुने बागमतिइ म्वः ल्हुइ फयेकेमाः, गन गन गुलि ट्रिटमेन्ट प्लान्ट तयेमाःगु खः उकिया योजना दयेकि, मखुसा कारबाही याये माली धकाः समिति पदाधिकारीपिंत ख्याच्वः नं बियादीगु खः । वय्कलं धयादीगु दु, ‘बागमतिया लः त्वने योग्य दयेकेत ई काइगु जुइ तर म्वः ल्हुइत गोग्य जुइ कथंया कार्ययोजना हजि, जिं गन वनाः गुगु मन्त्रालयलिसे समन्वय यायेमाःगु खः व ज्या यायेत तयार दु ।’

मन्त्री राईं पहुँच व शक्तिकेन्द्रया प्रभावय् स्वयां नं आवश्यकता व प्राथमिकताया आधारय् बागमति आयोजना न्ह्याकेत नं आयोजना प्रमुखयात निर्देशन बियादीगु दु । वय्कलं बागमति सफा यायेत ताः इलंनिसें सक्रिय अभियन्तातलिसे समन्वय यानाः बजेट व्यवस्था यायेत नं निर्देशन बियादीगु दु । बागमति सफाई अभियान न्ह्याःगु ताः ई दयेधुंकाः नं गुलि सफा जुइमाःगु खः उलि मजूगुलिं सफाई अभियान नं असफल जूगु विश्लेषण जुयाच्वंगु दु ।

सम्बन्धित बुखँ

LEAVE YOUR COMMENTS