ने. सं. ११४६ बछलागा नवमी -

ऐश्वर्याया न्हूगु लुक्स

बलिउड अभिनेत्री ऐश्वर्या राय बच्चनया चर्चा हाकनं छक्वः शुरु जूगु दु । वयां चर्चा फिल्म, अभिनयया कारणं मखसे वयागु लिपांगु इलय् सार्वजनिक जूगु फोटोया कारणं खः । बलिउड अभिनेत्री ऐश्वर्यायाया न्हूगु फोटो शुट याःगु फोटो हालसालय् सार्वजनिक जूगु दु । थुकिया लिसें ऐश्वर्या हाकनं छक्वः चर्चाय् वःगु खः ।

ऐश्वर्याया न्हूगु फोटोशुटय् वयागु ‘लुक्स’ गाक्कं फरक खने दयाच्वंगु जक मखसे तसकं आकर्षक नं खनेदु । लिसें वयागु हेयर स्टाइलय् नं हिउपाः वयाच्वंगु फोटोशुटय् खनेदु । ऐश्वर्यां थःगु सँया स्वरुपयात हिइकाः ‘कर्ली’ अर्थात कुलिकुलि चिंकातःगु दु । ताःईतक हे फोटोशुटपाखें तापानाच्वंम्ह ऐश्वर्यां हालय् याःगु फोटोशुटय् न्यूड लिपिस्टिक, म्यालिक गोल्ड ज्याकेट, जम्पसुट, लंग ब्लेजर ज्याकेटय् थेंज्याःगु लुक्सय् खने दयेकः वःगु खः ।