रोहिंगा शरणार्थीया भूमिकाय् नेपाःमि सरिना सैंजु, निर्देशकपाखें सैंजुया अभिनयया प्रशंसा

येँ- रोहिंगा शरणार्थीत डुंगाय् च्वनाः गैरकानूनी रुपं अष्ट्रेलिया वइगु विषयवस्तुयात कयाः निर्माण जूगु ‘सर्भाइभ ओर डाई’ नांया संकिपा सार्वजनिक जूगु दु । सन् २०१८स हे छुं छुं चलचित्र हलय् प्रदर्शन जूगु उगु संकिपा आः अमेजन प्राइम मुभिज मार्फत सार्वजनिक जूगु दु ।

उगु संकिपाय् अष्ट्रेलियाय् च्वनाच्वम्ह नेपाःमि सरिना सैंजु नं अभिनय यानादीगु दु । संकिपाय् सैंजुं सिमान्तकृत रोहिंगा समुदाया मचाया भूमिकाय् अभिनय यानादीगु खः । वहे रोहिंगा मचाया भूमिकाय् म्हितादीम्ह सैंजुया अभिनयया प्रशंसा जुयाच्वंगु दु । संकिपाया निर्देशक डानियल ओकोडुवां सैंजुया भूमिका तसकं च्वछायेबहःजूगु धयादिल । वय्कलं सैंजुं आत्मविश्वास सहित अभिनय याःगु व तसकं प्रतिभावान जूगु धयादिल । कलाकार सैंजु नकनिति च्यागू तगिंमय् ब्वनाच्वम्ह खः ।

गैरकानूनी रुपं डुंगाय् च्वना अष्ट्रेलिया वःपिं शरणार्थीत छगू अनकण्टार थासय् अलपत्र जुइवं अझ अप्व हाथ्याया सामना यायेमालीगु विषयलय् थुगु संकिपा केन्द्रीत दु ।

सम्बन्धित बुखँ

LEAVE YOUR COMMENTS