इहिपा योजनावद्ध जुइमखु

लिपांगु इलय् बलिउड नायक रणवीर कपुर व नायिका आलिया भट्ट दथुइ इहिपा जुइगु समाचार वयाच्वंगु दु । थुपि निम्ह बलिउड सेलिब्रिटीया ‘अफेयर’ बांलाक हे चर्चाय् वयाच्वंगु दुसा थ्व दथुइ इमिसं थःपिनिगु मतिनायात याकनं इहिपाया रुप बीगु चर्चां बलिउड क्वानाच्वंगु दु ।

रणवीर व आलियाया मतिना याकनं इहिपाय् हिलीगु गुलि चर्चा जुयाच्वंगु खः, व उलि हे याकनं जुइगु सम्भावना धाःसा तसकं म्हो जक खने दयाच्वंगु दु । छाय्कि रणवीरया हे धापूकथं इमिगु इहिपा याकनं जुइगु सम्भावना खने दयाच्वंगु मदु । थुकिया कारण इमि दथुइ छुं अज्याःगु कचवं ब्वलंगु धाःसा मखु ।

हिन्दूस्तान टाइम्सयात बिउगु छगू अन्तर्वार्ताया झ्वलय् रणवीरयात आलियालिसे इहिपा गबलय् यायेत्यनागु दु धकाः न्यंगु न्ह्यसःया लिसलय् रणवीरं धाःगु दु कि, ‘इहिपा धइगु योजनावद्ध रुपं जुइगु मखु । खः, जि आः ३५ दँ दत ।

उकिं आः हे इहिपा यायेमाः धइगु खँय् जितः विश्वास मदु । इहिपा यायेगु धइगु खँ ई व परिस्थितिं क्वःछी, जिं मखु ।’रणवीरं अन्तर्वार्ताय् आलियाया नां मकाःसां निम्हेसिया दथुइ यःत्यः जुयाच्वंगु खँयात धाःसा अस्वीकार मयाः ।

सम्बन्धित बुखँ

LEAVE YOUR COMMENTS