आः थिकेगु वस्तु आयात मयाकीगु

येँ – अप्वया वनाच्वंगु शोधान्तर घाटा नियन्त्रण यायेत आः सरकारं छुं वस्तु व सेवाया आयात बन्द याइगु जूगु दु । उकिया धलः मन्त्रिपरिषद्य् पेश याःगु दु । मन्त्रालयं थिकेगु गाडी, लुँ वहः, थिकेगु कस्मेटिक, खेलौना, बाइक, साइकल, स्वां, कोइला, खाःया थलबल, थिकेगु सिसाबुसा, ला, चुरोट, खैनी जर्दा, थिकेगु इलेक्ट्रोनिक्स ज्वलं, जुस व मसला लगायतया सामानया आयात बन्द यायेगु तयारी यानाच्वंगु दु ।

लिसें मन्त्रालयं नेपाःया निंतिं आवश्यक हे मजूगु वस्तुया आयात नं नियन्त्रण यायेत्यंगु दु । मेखे राष्ट्र बैंकं नं आयात नियन्त्रण यायेगु निंतिं अध्ययन यानाच्वंगु दु । राष्ट्र बैंकं थ्वहे वाःया दुने अध्ययन क्वचायेकाः नियन्त्रण यायेगु वस्तुया धलः सिफारिस याइगु खँ धाःगु दु ।

आयात कःघाये मफइ कथं अप्वया वनेवं वाणिज्य मन्त्रालय व राष्ट्र बैंकं आयात निरुत्साहित यायेगु लँपु मालाच्वंगु खः । राष्ट्र बैंकया कथं थुगु आर्थिक दँय् शोधानान्तर घाटा ८५ अर्ब थ्यंगु दु । थ्व मंसीर तकया तथ्यांक खः । पुसया दुने १ खर्ब थ्यनीगु अनुमान राष्ट्र बैंकं याःगु दु ।

सम्बन्धित बुखँ

LEAVE YOUR COMMENTS