निर्माणाधीन ताँय् त्रुटी, पुनः नक्सांकन यायेत निर्देशन

येँ – कोटेश्वर तीनकुनेय् निर्माणाधीन ताँय् गम्भिर त्रुटी दुगु सीदुगु दु । तीनकुनेया बागमति ताँय् दयेकाच्वंगु ताँया स्वंगू फाउण्डेसनय् गम्भिर त्रुटी खने दुगु खः । निर्माण कम्पनीया गैर जिम्मेवारीया कारणं ताँया फाउण्डेसनय् त्रुटी दुगु लूगु खः ।प्रतिनिधिसभा विकास व प्रविधि समितिया दुजःपिंसं हालय् याःगु स्थलगत अध्ययन लिपा ताँ निर्माणय त्रुटी दुगु पत्ता लगे याःगु खः ।

समितिं याःगु स्थलगत अध्ययनय् ताँया स्वंगूमध्ये निगू फाउण्डेसनय् ‘क्र्¥याकँ खने दुगु समितिया बैठकयात जानकारी बिउगु दु । समितिं याःगु अध्ययन लिपा च्वंगु बैठकं ताँया नक्सा पुनरावलोकन यानाः ज्या न्ह्याकेत सरकारयात निर्देशन नं बिउगु दुसा निर्माणाधीन ताँय् त्रुटी खने दयेवं काठमाडौं उपत्यका सतक विस्तार आयोजनां तत्काल ताँ निर्माणया ज्या दिकेत सम्बन्धित निर्माण कम्पनीयात निर्देशनतकं बी धुंकूगु दु ।

निर्माणाधीन उगु ताँया हाकः ८६ मीटर व ब्या १७ मीटर दु । थ्व हे झ्वलय् उगु ताँया पुनः नक्सांकन यायेत त्रिभुवन विश्वविद्यालय इन्जिनियरिङ अध्ययन संस्थानयात जिम्मा बिउगु दु ।