संस्थागत प्रणाली विकासया निंतिं समुदाय–प्रहरी साझेदारी अवधारणा

येँ – प्रहरी महानिरीक्षक सर्वेन्द्र खनालं संस्थागत विकासया निंतिं समुदाय–प्रहरी साझेदारी अवधारणा हयागु खँ धयादीगु दु । महानिरीक्षक खनालं चछिन्हिछिं नागरिक व राष्ट्रया सेवाय् खटे जुयाः इमान्दार प्रहरीयात समुदाययातकं उल्लेख्य ग्वाहालि प्राप्त जुइकथं संस्थागत विकास यायेत उगु धारणा हयागु स्पष्ट यानादिल ।

समुदाय–प्रहरी साझेदारी ज्याझ्वलय् खटे जुइपिं प्रशिक्षक व प्रहरी कर्मचारीयात थनया नेपाल पुलिस क्लबय् सोमवाः निर्देशन बीगु झ्वलय् वय्कलं उगु खँ धयादीगु खः । साझेदारी ज्याझ्वलय् खटे जुइपिं प्रहरी कर्मचारीं थुकिया उद्देश्य, अवधारणा व मर्मबारे स्पष्ट जुइमाःगु खँ न्ह्यथँसें विगतया सामुदायिक प्रहरी लगायतया ज्याझ्वलय् थप आयामत दुथ्याकाः ज्याझ्वः हयागु वय्कलं चर्चा यानादिल ।

उगु इलय् महानगरीय प्रहरी व मातहतया ज्याकूपाखें आतक जूगु समिति गठन, अभिमुखीकरण, सार्वजनिक सुनुवाई, सीसीटिभी जडान लगायत थीथी ज्याझ्वःत जुइधुंकूगु बारे नं जानकारी बिउगु खः ।