समुदाय–प्रहरी साझेदारी अवधारणा अन्तर्गत नागरिक सुनुवाई

येँ-समुदाय–प्रहरी साझेदारी अवधारणा अन्तर्गत येँया थीथी स्थानीय तहय् नागरिक सुनुवाई ज्याझ्वः जुल । येँ महानगरपालिकाया प्रमुख विद्यासुन्दर शाक्यया प्रमुख आतिथ्यताय् वंगु शनिवाः थनया बसन्तपू दबुलिइ समुदाय–प्रहरी साझेदारी अवधारणा अन्तर्गत नागरिक सुनुवाई ज्याझ्वः जूगु खः ।

महानगरीय प्रहरी वृत्त जनसेवा, जनसेवा सामुदायिक केन्द्र व सामुदायिक प्रहरी सेवा केन्द्र जनसेवा मांकाःद्यःया मंका ग्वसालय् ‘हर प्रहर गां व नगरीइ त्वाःत्वालय् नेपाल प्रहरी’ व ‘समुदाय–प्रहरी साझेदारी शान्तिपूर्ण व सुरक्षित समाजया निंतिं नेपाल प्रहरी’ धइगु मू नारालिसें उगु नागरिक सुनुवाई ज्याझ्वः जूगु खः ।

ज्याझ्वलय् महानगरीय प्रहरी परिसर टेकु येँया प्रमुखलिसें प्रहरी वरिष्ठ उपरीक्षक वसन्तकुमार लामा, जनसेवा सामुदायिक केन्द्रया सभापति विकाशभक्त श्रेष्ठ, प्रहरी अधिकृतपिं लगायत येँ महानगरपालिकाया थीथी वडाया वडाअध्यक्षनापं जनप्रतिनिधिपिं, स्थानीय क्लब, संघसंस्थाया प्रतिनिधि, थीथी ब्वनेकुथिया शिक्षक–शिक्षिका, विद्यार्थीलिसें स्थानीयवासिन्दातय् सहभागिता दुगु खः ।
थुकथं हे येँया हे तारकेश्वर नगरपालिकाया प्रमुख रामेश्वर बोहराया प्रमुख आतिथ्यताय् उगु हे नगरपालिकाया ज्याकू धमाथुलिइ समुदाय–प्रहरी साझेदारी अवधारणा अन्तर्ग नागरिक सुनुवाई ज्याझ्वः वंगु शनिवाः जुल । ज्याझ्वलय् थीथी राजनीतिक दलया प्रतिनिधि मिसा संजाल, स्थानीयवासी व प्रहरी अधिकृततय् उपस्थिति दुगु खः ।

अथे हे नागार्जुन नगरपालिकाय् नं ‘शान्ति, सुरक्षा व प्रहरी सेवा’ धइगु नारा बियाः नागरिक सुनुवाई ज्याझ्वः जुल । नगरपालिकाया प्रमुख मोहनबहादुर बस्नेतया प्रमुख आतिथ्यताय् जूगु ज्याझ्वः महानगरीय प्रहरी वृत्त स्वयम्भूया ग्वसालय् जूगु खः । ज्याझ्वलय् महानगरीय प्रहरी वृत्त स्वयम्भूया प्रमुख नापं प्रहरी नायब उपरीक्षक सुधिरराज शाही, थीथी संघसंस्था, क्लबया प्रतिनिधि, स्थानीय समाजसेवी, प्रहरी अधिकृत व स्थानीयवासीतय् सहभागिता दुगु खः ।

सम्बन्धित बुखँ

LEAVE YOUR COMMENTS