मन्त्रीं सचिवयात दाल

येँ – प्रदेश २ या आर्थिक मामिला लिसें योजनामन्त्री विजयकुमार यादवं सचिवयात हातपात याःगु दु । उद्योग वन, पर्यटन लिसें वातावरण मन्त्रालयया सचिव विद्यानाथ झायात मन्त्री यादवं थःगु कार्यकक्षय् सःताः हातपात याःगु खः । संघीय सरकारं सशर्त अनुदान अन्तर्गतया गरिबी निवारणया उद्यम ज्याझ्वःया निंतिं थःगु एनजीओयात मल्यःगु धासें मन्त्री यादवं थःत हातपात याःगु खँ पीडित सचिव झां कनादीगु दु ।

मन्त्री यादवं हातपात याःगु इलय् सभामुख सरोज यादव नं मन्त्रीया हे कार्यकक्षय् दुगु खः । मन्त्रीं दायेधुंकाः सचिव झायात प्रहरीं ज्वनायंकूगु खः । मन्त्री यादवं सचिव झायात दायेधुंकाः कर्मचारीतय्सं मन्त्रालयया मूध्वाखाय् धर्ना बिउगु खः । मन्त्रालयया कर्मचारीतय्सं सचिवयात दाःम्ह मन्त्रीं राजीनामा बीमाः धकाः माग याःगु दु ।

 

सम्बन्धित बुखँ

LEAVE YOUR COMMENTS