कुरिल नयाया फाइदा

कुरिल छताजि वसन्त ऋतुया तरकारि खः, गुगु लिली –लिलीसेए) परिवार अन्तर्गत लाःवः । प्राचीनकालय् कुरिल कामोद्दीपकया रूपय् नांजायाच्वंगु खः । सलंसः दँ न्ह्यः च्वया धाः तधाः यानाः जलास्येँयात सफा यायेगु व जलस्येँ –किडनी)य् पथरी मजुइकेत थुगु जडीबुटीयात रोमनत व युनानीतय्सं छ्यलेगु यानाच्वंगु खः ।

एसियाय् कुरिलयात नसा सम्बन्धी थीथी समस्या, मुसु व छ्वालुक झारा जुइगुया उपचारय् छ्यलीगु खः । कुरिल छताजि स्वस्थ पोषकतत्व गाक्क दुगु वनस्पति खः, गुकी फायट व कोलेस्ट्रोल दुथ्याइ मखु । थुकी तसकं कम जक क्यालोरी व सोडियम दु । थुकी भिटामिन ए, सी, ई, के बी६, फालेट, आइरन, सिजः क्याल्सियम, प्रोटीन व फाइबर थेंज्याःगु भिटामिन्स व मिनरल्सया छगू विस्तृत श्रृङ्खला दु

फाइदा
कुरिलया दं सामान्यतः छताजि तरकारि कथं नयेगु याइ । थुकिया हाm, पु व अर्कयात थीथी ल्वय्या वासःया रूपय् छ्यलेगु याइ । कुरिलं झीत यक्व हे फाइदा याः । गथेकि –

१) तौल क्वकायेत ः कुरिलय् फायट व क्यालोरी कम जुइगु जक मखु, थुकी यक्व हे घुलनशील व अघुलनशील फाइबर नं दुथ्याः । थ्व हे कारणं खः कि थ्व म्हया तौल क्वकायेगु निंतिं छगू बांलाःगु विकल्प जुइफु ।

२) च्व व जलस्येँया निंतिं ः कुरिलं छताजि प्राकृतिक मूत्रवर्धकया रूपय् ज्या याइ । थुकिं म्हय् अप्वः जुइक मुनाच्वंगु तरल पदार्थ व चियात पित छ्वयाबीत ग्वाहालि याइ । अथे जुयाः थ्व विशेष रूपं हाइ ब्लडप्रेसर दुपिनिगु निंतिं तसकं बांलाः ।

३) नुगःस्येँया स्वस्थ्य ः कुरिलय् उत्कृष्ट विरोधी, भडकाऊ प्रभाव व उच्चस्तरयागु एन्टिअक्सिडेन्ट दु । थ्व नितां हे नुगःस्येँया ल्वय्या जोमि कम यायेत ज्या वः ।

४) याकं बुराबुरि मजुइकेत ः एन्टि अक्सिडेन्ट ग्लूटाथियोनं उमेर थहां वनीगु प्रक्रियायात सुस्त यानाबी । अले फोलेट संज्ञनात्मक गिरावटयात पनेत बी १२ लिसे जानाः ज्या याइ ।

५) छ्यंगू स्वस्थ यानातयेत ः थ्व ख्वाः सफा यायेत नं छ्यलेजिउ । थ्वं छयंगूया समस्या गथकि ः घाः व स्यःकैयात पनेत व उपचार यायेत ग्वाहालि याइ । एन्टिअक्सिडेन्ट ग्लूटाथियनं छ्यंगूयात निभाः व प्रदूषणं याइगु क्षतिपाखें रक्षा यानातइ ।

६) प्वाथय् दयाच्वनीबलय् ः थुकी दुगु फोलेट मिसातय्गु निंतिं प्वाथय् दुगु शुरु शुरुया ईयात माः । फोलेटं प्वाथय् च्वंम्ह मचाया तन्त्रिका ट्यूबय् वइगु थीथी दोषया जोखिमयात कम यायेफइ ।

७) क्यान्सरयात पनेत ः कुरिलय् दुगु सल्फोराफेनं क्यान्सरयात पनेत ग्वाहालि याइ । कुरिलय् यक्व मात्राय् एन्टिअक्सिडेन्ट व एन्टि इन्फ्लामेटरीज नं दु, गुकिं क्यान्सरया जोखिम कम यायेत ग्वाहालि यानाच्वनी ।

८) ह्यांगओभरया उपचार ः कुरिलय् दुगु मिनरल्स व अमिनो एसिडं ह्यांग ओभरयात पनेत ग्वाहालि यायेफु । अले अल्कोहलय् दुगु थीथी विषाक्त पदार्थपाखें छातिया कोषयात सुरक्षित यायेफइ ।
थुलि बाहेक कुरिलं क्वय् न्ह्यथनागु स्थितिइ नं ग्वाहालि यायेफु–
साहा साहा स्याइगु, नसा स्याइगु, अथवा न्यू रिटिस, अपच, तन्त्रिका विकार, मिसा हार्मोनया असन्तुलन, कब्जियत, ग्यास्ट्रिक अल्सर, छाति सम्बन्धि विकार, डिप्रेसन, हाइकोलेस्ट्रोल, एचआइभी संक्रमण, हाइ ब्लडप्रेसर आदि ।

सावधान ः
गुपिं मनूतय्त प्याज, लाभा व मेमेगु सम्बन्धित तरकारिं एलर्जि जुइगु खः, उमिसं कुरिल नयेमजिउ । छाय्कि थ्व लीलासी परिवारया हे छगू ब्व खः ।

 

सम्बन्धित बुखँ

LEAVE YOUR COMMENTS