दतात्रय मेलाय् भक्तजनतय् भीड

ख्वप – दतात्रय मेलाया लिपांगु दिं म्हिगः तःचपाः चोकय् श्रद्धाजु भक्तजनपिनिगु तःधंगु हे भीड जुल । पुस महिना लछि तक बुधवाः पतिकं गुरु दतात्रयया मेला जुइगु खः । वंगु पुस ४, ११ व १८ गतेया तुलनाय् म्हिगः भक्तजनपिनिगु भीड जूगु खः । भीड जुइवं अन झ्वः छुइपिंत कुपनया हे व्यवस्था यायेमाःगु स्थिति वःगु खः ।

भीड अप्वयाः म्हिगः छगू इलय् इनाय् च्वय् तकं थ्यंगु खः । इनाय् द्यःथासंनिसें हे उकथं मनूत झ्वः छुइगु याःगु धाःसा थ्व पुस महिनाय् न्हापांखुसी हे जक जूगु खः । श्रावण लाया सोमवाः व पुसया बुधवाः दतात्रय मेला जूसां पुसं उलि भीड लगे मजूगु खः । अथे खःसां थुगुसी धाःसा लिपांगु पुस वालय् धाःसा छुं मचा भीड अप्वःगु दतात्रय मेला आयोजकतय्सं धाःगु दु ।

उकिया लागिं माःगु बन्दोबस्त जूगुलिं शान्त रुपं अन दर्शन याकेगु ज्या जूगु खः । मेलाया झ्वलय् म्हिगः हे दतात्रय चोकय् ९ वडा कार्यालयपाखें ग्वसाः ग्वःगु मधुमेह व पत्थरी सम्बन्धी शिविरय् नं सलंसः स्थानीय व मेलाय् सहभागीतय्सं सेवा प्राप्त याःगु खँ ९ वडा अध्यक्ष रविन्द्र ज्याख्वलं जानकारी बियादिल ।

सम्बन्धित बुखँ

LEAVE YOUR COMMENTS