पलःया थीथी फाइदा
पलः छताजि बहुमुखी वाउँचा खः, गुकियात छिं यक्व हे तरिकां छ्यलेफु । थुकियात छिं सलाद, सूप व तरकारि दयेकाः नयेफु । पलः भिटामिन ए’, भिटामिन ‘सी’ व भिटामिन ‘के’, म्याग्नेसियम, आइरन, व म्याग्नीज प्रशस्त दुगु वाउँचा खः । थ्व मिखाया स्वास्थ्यया निंतिं फाइदा दुगु चीज खःसा थुकिं अक्सिडेन्टिभ तनाव नं कम जुइ । आः झासँ, पलःया बारे मेमेगु खँ नं सिइके –
क्वँय् बल्लाकी–
पलः भिटामिन ‘के’ या समृद्ध स्रोत खः । गुकिं ओस्टियोकेल्क नांगु प्रोटिनया उत्पादन अप्वयेकेत ग्वाहालि याइ । थ्व क्वँचय् क्याल्सियमयात स्थीर यानातयेत जिम्मेवार जुइ । भिटामिन ‘के’य् समृद्धि पोटासियम, म्याग्नेसियम व भिटामिन सीया नं तःधंगु स्रोत खः, गुकी दक्व कथंया पोषक तत्व दइ, गुगु क्वँय्या स्वास्थ्यया निंतिं बांलाः ।
ऊर्जा बी ः
पलखं झीगु म्हय् म्याग्नेसियमया आवश्यकता पूवंका बी, गुकिं न्हिछिं ऊर्जा उत्पादनय् ग्वाहालि याइ । थ्व बाहेक पलः फोलेटया छगू तःधंगु स्रोत खः । थ्व छताजि अज्याःगु पोषकतत्व खः, गुकिं छिगु म्हय् छिं नयातयागु नसायात ऊर्जाय् हिलेगु ज्या याइ ।
नुगः ल्वय् ः
पलखय् भिटामिन ‘सी’ दु । गुकिं ख्वालः ला हय्हय् कुंके मबीगु, मिखाया थीथी ल्वय् जुइके मबीगु, मचा बुइ स्वयां न्ह्यः जुइगु मांया स्वास्थ्य समस्या ज्यंकेगु, अले नुगःल्वय्पाखें बचे जुइकेगु ज्या याइ । थुकी ल्यूटिन दु, गुकिं हिनूया अंगःया फि तफि जुइके बीमखु । थथे यानाः थुकिं हर्ट अटाय्क जुइगु खतरायात कम यानाबी । थ्व बाहेक थुकी नाइट्राइट नं दइ, गुकिं हर्ट अटायकयात पनीगु जक मखु, दाः मुनाः जुइगु नुगःल्वय् नं लंकाबी ।
मिखा बल्लाकी ः
पलखय् बीटा क्यारोटिन, जी एक्सेन्थिन, ल्यूटिन व क्लोरोफिल दु । थ्व सकतां झीगु मिखाया दृष्टिइ सुधार व प्रतिरक्षा प्रणाली अथवा इम्यून सिस्टमया विकास यायेत जिम्मेवार खः । ल्यूटिन व जीएक्सेंथिन मैक्युलाय् मुनाच्वनी, गुगु रेटिना (पर्दा)या छगू ब्व खः, गुगु छताजि प्राकृतिक सनब्लकया रुपय् ज्या याइ, गुकिं यानाः छिगु मिखा हानिकारक जःपाखें बचय् जुयाच्वनी ।
ब्याक्टेरिया व भाइरसलिसे ल्वाइ
छ्यंगू व सँ लिसें म्हया ट्श्यिुया विकासया निंतिं भिटामिन ए बांलाः । पलः भिटामिन ‘ए’ प्रशस्त दुगु आहार खः, गुकिं झीगु छ्यंगुलिइ थीथी कथंया ब्याक्टेरिया व भाइरसयात प्रभावीढंगं तापाकातयेत ग्वाहालि याइ । थुलि बाहेक सँयात म्वाइश्चराइज यानाः तयेत सीबम उत्पादन यायेत थ्व भिटामिन मदयेक मगाः । सँ महायेकेत व संक्रमणया जोखिम कम यायेत छिं फक्व अप्वः वाउँचा भपीगु यानादीमाः ।
पाचनक्रिया बल्लाकी
आइरन प्रशस्त दुगु जूगुलिं पलः पाचन क्रिया बल्लाकेत नं ज्या वः । अथे जुयाः विशेषज्ञतय्सं पलः नयेत सल्हा बी । थ्वं म्हय् दुने मुनाच्वंगु विषाक्त पदार्थ पितहयेत नं ग्वाहालि याइ । थ्व बाहेक यदि छितः कब्जियतया समस्या दु धयागु खःसां पलः छिगु निंतिं फाइदाजनक हे जुइ ।
छ्यंगूया समस्या ज्यंकी
यदि छितः छ्यंगूलिसे स्वापू दुगु छुं समस्या दुसा पलःया जूस त्वनेगु छिगु लागी फाइदाजनक जुइफु । पलः नयेगुयात धाःसा छ्यंगू बांलानाः ल्याय्म्ह ल्यासे खनेदइ । थ्व बाहेक प्वाथय् दुपिं मिसातय्त नं पलः नयेगु सल्हा बीगु याइ । पलःया जूस त्वनेगु यात धाःसा प्वाथय् दुम्ह मिसाया म्हय् आइरन मगाइगु जुइमखु ।
LEAVE YOUR COMMENTS