गपाय् हाकःगु सँ ?
मनूतय् सौख नं तसकं अजू चायापु । गुलिसियां न्हू न्हूगु वसः न्यायेगु, गुलिसियां पुलांगु ध्यबा मुंकेगु, गुलिसियां लाकां मुंकातयेगु । अले गुलिसियां लुसि ताःहाकः लहिना तयेगु सा गुलिसियां सँ लहिना तयेगु । भारतया गुजरातय् च्वंम्ह १६ दँ दुम्ह निलांशी पटेल छम्ह अज्याःम्ह हे मिसामचा खः, गुम्हेसिनं विश्वय् दकलय् ताःहाकःगु सँ लहिनाः विश्व कीर्तिमान तयेत सफल जूगु दु ।
उमेरं नकतिनि १६ दँया नच्चागु वैशय् निलांशीया सँ ५ फिट ७ इन्च ताःहाकः दु । थनिं १० दँ न्ह्यः अर्थात नकतिनि उमेरं खुदँ जक दुबलय् निलांशीं छगू पैmसला याःगु जुयाच्वन कि वं आवंलि थःगु सँ चायेमाःगु वयागु थ्व हे पैmसलां वयात थौंया अवस्थाय्तक थ्यंकेत ग्वाहालि याःगु खः ।
उकिं निलांशीं विश्वय् दकलय् ताःहाकःगु सँया कीर्तिमान कायम यायेगु झ्वलय् गिनिज बुकय् तकं थःगु नां च्वकेत ताःलाःगु दु । दकलय् लिपांखुसी १० दँ न्ह्यः निलांशीं सँ चाःगु इलय् वं थः तसकं कुरुप जूगु खंकल । वयां लिपा वं थःगु सँ आवंलि गबलें नं मचायेगु निर्णय यात । थुलितक कि सँयाच्वका तकं मचासे च्वनाच्वंम्ह निलांशीया सँ थौंया इलय्तक थ्यंबलय् वयागु सँ आः वयाः ५ फिट ७ इन्च थ्यंगु दु ।
निलांशीं वालय् छन्हु हे जक म्वःल्हुइ छाय्कि वयात म्वःल्हुइत हे घन्टौं ई माःसा सँ गंकेत जक बाघौ स्वयां अप्वः ई काः । अझ गनं पिहां वनेत सँ छ्यनेमाल धाःसा उकिया निंतिं घौछि स्वयां अप्वः ई काइ । वयात सँ छ्यनेत वया मामं बाहेक मेपिंसं ग्वाहालि याये मफु ।
LEAVE YOUR COMMENTS