ख्यालि न्हिली

पप्पु जा नयाच्वंगु दु । वया नापं खा छम्ह नं तयातःगु दु । पप्पुं छप्ये जा थम्हं नइगु अले निगः प्यंगः जा खायात नं तया बीगु थ्व खनाः मामं न्यन, ‘पप्पु, छु यानाच्वनागु व ।’
‘छुं नं मखु मां’,— पप्पुं धाल— ‘चिकेन नाप जा नयाच्वनागु का !’
ह्ह्ह्
डाक्टर ः बाबु सन्ता, छंगु छगः
किड्नी फेल जुल ।
डाक्टरया खँ न्यनाः सन्ता ह्वाँय् ह्वाँय् ख्वल । पलख लिपा सुम्क च्वनाः सन्तां धाल, ‘डाक्टर सा’ब गुलि नम्बरं फेल जूगु खः छकः धयादिसँ ले !’
ह्ह्ह्
रमेश ः राजु, छं सिउला थ्व संसारय् दकलय् दुःखी व अभागी सु सिउला ?
राजु ः मसिउ, सु ?
रमेश ः पानीपुरी मीम्ह का ।
राजु ः गथे जुयाः ।
रमेश ः ब्याहा जूपिं जुइमा वा मजूनिपिं जुइमा न्ह्याम्हसिनं नं वयात ‘भैया’ धकाः सःती उकिं ।

सम्बन्धित बुखँ

LEAVE YOUR COMMENTS