लत्याया पुण्यतिथिइ पद्मरत्न लुमंकल

येँ – नेवाः न्ह्यलुवा लिसें वरिष्ठ मानव अधिकारवादी नेता पद्मरत्न तुलाधरया लत्याया पुण्यतिथिस नेपालभाषा मंकाः खलकं बिचाः मुँज्या यात । मंगलवाः विशाल बजारया सासा ब्यांक्वेटय् याःगु उगु ज्याझ्वलय् येँ मनपाया मेयर विद्यासुन्दर शाक्य, डा. चुन्दा वज्राचार्य, नेवाः न्ह्यलुवा नरेशवीर शाक्य, मदुम्ह तुलाधरया म्ह्याय् मय्जु सुम्निमा तुलाधरपिंसं भाजु तुलाधरया योगदानया बारे नुगःखँ तयादीगु खः ।

भाजु तुलाधरया लत्याया हे पुण्यतिथिस थौं मानव अधिकार संरक्षण मञ्चपाखें नं छगू बिचाः मुँज्या यायेत्यंगु दु । कोपुण्डोलया साताआकी भवनय् उगु बिचाः मुँज्या जुइगु ग्वसाः दु । अथेहे वइगु शुक्रवाः शखधर सिरपाः समितिया ग्वसालय् नं थिमिइ भाजु तुलाधरया लुमन्तिइ छगू बिचाः मुँज्या जुइगु जूगु दु

सम्बन्धित बुखँ

LEAVE YOUR COMMENTS