नेपाः व म्यान्मा प्रेस काउन्सिल दथुइ समझदारी

येँ – नेपाल प्रेस काउन्सिल व म्यानमा प्रेस काउन्सिल दथुइ छगू समझदारी जूगु दु । निगू देय्या प्रेस काउन्सिल दथुइ ग्वाहालि कालबिल यायेगु सम्बन्धय् समझदारी पत्रय् ल्हाःचिं तयेगु ज्या जूगु खः । उगु समझदारी पत्रय् नेपाल प्रेस काउन्सिलया कार्यवाहक अध्यक्ष किशोर श्रेष्ठ म्यानमा प्रेस काउन्सिलया अध्यक्ष ओहन केइङ्सं ल्हाःचिं तयादीगु खः ।

समझदारीकथं निगू प्रेस काउन्सिल दथुइ पत्रकारिता सम्बन्धी सुचं, अनुभव, स्तरीय संचार शिक्षा व तालिमया माध्यमं संचार व्यवसायीतय् क्षमत अभिवृद्धि यायेगु, नैतिक पत्रकारितायात प्रवद्र्धन याइगु जूगु दु । अथे हे समाचार संकलन सम्बन्धी गोष्ठि, कार्यशाला, थीथी ज्याझ्वःया आयोजना यायेगु व पत्रकारतय् अनुभव नं कालबिल याये फइगु समझदारीपत्रय् धयातःगु दु ।