वार्ता पुचःया म्याद थप

येँ – सरकारं थीथी भूमिगत राजनीतिक पार्टी लिसें वार्ता यायेत नीस्वंगु समितिया म्याद थप याःगु दु । सरकारं वंगु मंसिर २४ गते च्वंगु मन्त्रिपरिषद्या बैठकय् उगु समितिया म्याद थप याःगु खः । सरकारं सांसद सोमप्रसाद पाण्डेया संयोजकत्वय् राजनीतिक वार्ता पुचःया म्याद झिंन्यान्हु थप याःगु खः ।

वार्ता पुचःया म्याद वंगु मंसिर ८ गते फुइधुंकूगु खःसा पुचलं थःपिंसं थीथी राजनीतिक पुचःलिसे वार्ता यायेधुनागु व मेगु छगू चरणया वार्ता यायेगु अवसर दत धाःसा भूमिगत व द्वन्द्वरत पुचः शान्ति प्रक्रियाय् वइगु धासें समितिया म्याद थप यायेमाःगु माग याना वयाच्वंगु खः ।

सरकारं संक्रमणकालय् थीथी कारणं वार्ता याये फयाच्वंगु पुचः व द्वन्द्वरत पुचः लिसें वार्ता यायेगु धासें वंगु भदौ महिनाय् उच्चस्तरीय वार्ता पुचः गठन याःगु खः । वार्ता पुचलय् पाण्डेया लिसें सुरेश आलेमगर, तारानाथ चौधरी व लीला भण्डारी दुजः कथं दुथ्यानाच्वंगु दु ।

 

सम्बन्धित बुखँ

LEAVE YOUR COMMENTS