ने. सं. ११४६ सिल्लागा अष्टमी -

ख्यालि न्हिली

राजु ः यार रमेश, पत्तिं न्यानाः तसकं हे हैरान जुल, पत्तिं मन्याकेगु छुं उपाय मदुला ?
रमेश ः छगू उपाय दु, बहनि द्यने त्ययेकाः पत्ति छम्ह स्यानाः जक द्यँ । थथे यात धाःसा मेपिं दक्वं पत्ति सनाः वनी, अले याउँक द्यने खनी ।
ह्ह्ह्
कलाः ः छिं अपाय्सकं जिके छु खंका दिया गुकिं यानाः छि जिनाप इहिपा यायेत तयार जुयादिल ?
भाःत ः खास छुं मखु, जिगु बार्दलिं छंत निक्वः प्यक्वः वसः हियाच्वंगु व थलबल सिलाच्वंगु जक खनागु खः !
ह्ह्ह्
भाःतलिसे ल्वानाः तमं थःछेँय् वना च्वंम्ह कलाःयात भाःतम्हं न्हिंन्हिं फोन याइगु जुयाच्वन ।
छन्हु ससःमामं धयाहल— ग्वःक्वः धायेगु छितः कि आवंनिसें जिमि म्ह्याय् छिगु छेँय वइमखु धकाः अय्नं छाय् न्हिंन्हिं फोन यानाः दुःख बियाच्वनागु ?
जिलाजं ः थुलि न्यनेबलय् न्ह्यइपुसे च्वं, उकिं ….. !