ख्यालिजुजु मदनकृष्णया भौ नं फिल्मी क्षेत्रय् !

येँ – नांजाःम्ह हास्य कलाकार ख्यालिजुजु मदकृष्ण श्रेष्ठया भौ रिंकु वज्राचार्य श्रेष्ठ नं अभिनय ख्यलय् पिलू वइगु जूगु दु। मदनकृष्णया काय यमनया जहान रिंकु सन्देशमूलक खय् भाय्या संकिपा ‘देखे–देखें’ संकिपापाखें संकिपा ख्यलय् पलाः न्ह्याकेत्यंगु खः ।

रिंकुं थः जहान यमनं निर्माण व निर्देशन याःगु सामाजिक सन्देशमूलक संकिपाय् चिहाकःगु भूमिका खने दयेकः वयेत्यंगु खः । अभिनय क्षेत्र थःगु मखुसां नं ह्वःताः दत धाःसा थुखेपाखे वयेगु संकेत बियादीम्ह रिकुं थःत नं अभिनय याये यःगु खँ कनादीगु दु ।

थनिं झिंन्हय्दं न्ह्यः अमेरिकाया टेक्सास राज्यय् अध्ययनया निंतिं वनाच्वंगु इलय् अन हे यमनलिसे यःत्यः जुयाः इहिपा याःम्ह रिंकुया पृष्ठभूमि धाःसा सामाजिक रुपान्तरणया निंतिं मिसा उद्यमशीलता विकासय् क्रियाशील जुयाच्वनादीम्ह खः ।

थुगु संकिपापाखें अभिनय क्षेत्रय् ‘डेब्यु’ याःम्ह रिंकुं भविष्यय् नं अभिनय क्षेत्रय् क्रियाशील जुइगु सोच दयेकाच्वनादीगु दु ।

सम्बन्धित बुखँ

LEAVE YOUR COMMENTS