थँहिति दुवातय् न्हूदँ मेला

येँ – नेपाल संवत् ११३९ न्हूदँया लसताय् म्हिगः थनया थँहिति दुवातय् त्वालय् नेपाल– भाषा सफू, सीडीया मेला जुल । न्हूदँ समारोह समिति व नेपाल मैत्री मण्डल अध्ययन पुस्तकालयया ग्वसालय् जूगु उगु मेलाय् थीथी ज्वलंया ३६ गू स्टल दुगु खः । मेलाय् नेपालभाषाया सफू, सीडी, हस्तकला ज्वलं, नसा ज्वलंया स्टल तयाः न्याये मीगु ज्या जूगु खः ।

उगु मेला म्हिगः सुथंनिसें सुरु जुयाः बहनी ७ बजे तक न्ह्याःगु खः । ज्याझ्वलय् थीथी नेवाः कलाकारतय्सं नेवाः म्येँ हालेगु व हुलाप्याखं न्ह्यब्वयेगु ज्या समेत दुथ्याकाः सांगीतिक ज्याझ्वः नं याःगु खः । उकी आधुनिक म्ये व परम्परागत दाफा नं न्ह्यब्वःगु खः ।

ज्याझ्वःया अन्तिमय् नेवाः आर्केष्ट्रा न्ह्यब्वःगु खः । लिसें ३२ म्ह सहभागीयात गोलाप्रथापाखें लुखा सिरपाः नं बिउगु खः । वंगु न्हूदँ कुन्हु बसन्तपुली जुइमाःगु ज्याझ्वः स्थगित जूगुलिं म्हिगः उगु मेला याःगु खः ।

सम्बन्धित बुखँ

LEAVE YOUR COMMENTS