राष्ट्रपतिया लागिं फ्वने !

येँ – राष्ट्रपति विद्यादेवी भण्डारीया लागिं १८ करोडया गाडी न्यायेगु लागिं म्हिगः पशुपतिइ छथ्वः ल्याय्म्हतय्सं लँय् वःपिं भक्तजनतय्के छतका छतका दां फ्वनेगु ज्या यात । अन मुनाच्वंपिं ल्याय्म्हतय्सं राज्यया धुकू फुकाः राष्ट्रपतिया लागिं उलिमछि वंगु गाडी न्यायेत्यंगु जुयाः उकी थःपिंसं नं ग्वाहालि यायेगु लागिं छतका छतका दां फ्वनेगु ज्या याःगु खः ।

उमिसं पशुपति दर्शन याः वःपिं भक्तजनतय्के ‘छतका दान यानादिसँ, पुण्य कमे यानादिसँ’ धासें ध्यबा फ्वनेगु ज्या याःगु खः । स्वतःस्फूर्त रुपं वःपिं थ्व ल्याय्म्हतय्सं फ्वनाः वःगु थ्व ध्यबापाखें राष्ट्रपतियात न्ह्यवःसा गाडी न्यानाः लःल्हायेगु खँ धाःगु दु । राष्ट्रपतियात थिकेगु गाडी न्यायेगु सरकारी निर्णयया विरोध स्वरुप उमिसं थ्व फ्वनेज्या याःगु खः ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल