बुंगद्यःया आरती छेँ पुनःनिर्माण याइगु

यल- बुंगय् च्वंगु बुंगद्यःया आरति छेँ पुनःनिर्माण याइगु जूगु दु । बुंगद्यःया आरति छेँ यल महानगरपालिका व गुथि संस्थान जानाः पुनःनिर्माण यायेत्यंगु खः ।करिब नितँत्या जाःगु छेँ निर्माणया निंतिं ५० लाख तका तुइगु अनुमान यानागु संस्थानया यल शाखाया प्रमुख शैलेन्द्र पौडेलं कनादिल ।

२०७२ बैशाख १२ गतेया तःभुखाय् व वयां लिपाया पराकम्पया कारणं आरति छेँ दुनेवं बुंगद्यःया थीथी धार्मिक पर्व व गतिविधिइ तकं लिच्वः लानाच्वंगु संस्थानया यल शाखाया प्रमुख पौडेलं कनादिल ।

बुंगद्यःया जात्रा जुइगु इलय् बाहेक मेमेगु धार्मिक व सांस्कृतिक पर्वया इलय् आरति छेँय् आरति यायेगु याना वयाच्वंगु खः ।
स्थानीय तहय् निर्वाचित जनप्रतिनिधि वयेधुंकाः पुरातात्विक, सांस्कृतिक, धार्मिक ल्याखं अतिकं महतवपूर्ण सम्पदा व स्मारकस्थलया पुनःनिर्माण यायेगु ज्याय् स्थानी सरकारं चिउताः क्यनेगु याना हयाच्वंगु दु । बुंगद्यःलिसे सम्बन्धित मेमेगु संरचना मर्मत, सुधार व पुनःनिर्माण यायेगु ज्याय् स्थानीय निकायं सहकार्य याना वयाच्वंगु दु ।

सम्बन्धित बुखँ

LEAVE YOUR COMMENTS