ने. सं. ११४६ अनलाथ्व पुन्हि -

पद्मरत्न तुलाधर मन्त

येँ – नेवाः न्ह्यलुवाः, मानवअधिकारवादी नेता पद्मरत्न तुलाधर मन्त । अस्पतालय् वासः याकुयाकुं वय्कः थांै न्हिनय् १ बजे पाखे मदुगु खः । छुं न्हि न्ह्यव हृदयघाट जुयाः वय्कःयात अन्नपूर्ण अस्पतालय् वासः यायेत यंकूगु खःसा अनं मजियाः हाकनं नर्भिक अस्पतालय् भर्ना यानातःगु खः । ७७ दँ दुम्ह वय्कःया लछि न्ह्यव जक जंक्वः जूगु खः ।

वय्कःया सीम्ह कायेगु निंतिं नेपालभाषाया कार्यकर्तापिं नर्भिक अस्पताल थ्यनेधुंकूगु दु । वय्कःयात अन्तिम श्रद्धाञ्जली बीगु निंतिं गुकथं यायेगु धयागु बारे सहलह जुयाच्वंगु खँ धाःगु दु । अन्तिम श्रद्धाञ्जलीया निंतिं सभागृहय् तयेगु बारे सहलह जुयाच्वंगु खँ धाःगु दु । वय्कःयाा सीम्ह आः थःगु छेँ लाजिम्पाटय् निं यंकीगु खँ धाःगु दु ।